نظافة الجامعة! نحن المسؤولون عنها (تمت إضافة فيديو الحلقة

بسم الله الرحمن الرحيم


أعتقد كتير بيتابعوا برنامج خواطر الرائع لأحمد الشقيري من اليابان
حلقة اليوم كانت وحدة من أكثر الحلقات اللي بتظهر الفوارق الجمة بيننا وبين الشعب الياباني والأسباب اللي مخلياهم على رأس العالم إحنا للأسف في ذيله

سبحان الله.. .. حلقة اليوم كانت بتحكي عن الحدائق العامة في اليابان وعندنا.. عندهم كانت الحدائق "بتلمع" إذا جاز التعبير من النظافة.. وأما عندنا....... على أي حال إحنا ما بنقدر نغير تصرف كل الناس في الحدائق لكن اللي بنقدر نسويه أنه كل واحد يعرف مسؤولياته.. كل واحد يعرف أنه المفروض بصفتنا بشر محترمين أنه الزبالة الله يعزكم تكون في سلة الزبالة.. لما نطلع برحلة المكان اللي بندخله بنطلع منه نظيف زي ما دخلناه نظيف..

سيبكم من الحديقة العامة خلينا نحكي عن الجامعة! نظافة الجامعة وبالأخص الكلية مسؤوليتنا

بصراحة إشي بيجلط لما أكون ماشي مع مجموعة محترمة ويكون واحد فينا عم بيشرب عصير.. وبس يخلص بيفكر حاله لاعب سلة وارمي! وللأسف ما دخلت.. معناته خلص نسيبها ليجي عامل النظافة ويشيلها.. إشي مش معقول.. لاحظوا الزبالة اللي بتكون موجودة حوالين السلات مش جواتها.. غير أنه البعض بيرمي على الأرض وهو أسوء وأسوء (ولو أنهم قلة) طبعًا هذا منظر سيء جدا وغيرحضاري بالمرة.. يعني على حسب ما بعرف أنه الجامعة هي مكان العلم والأدب في البلد.. فإذا كانت الجامعة نفسها وسخة معناته شو بدو يكون الشارع؟؟ شو بدها تكون بقية البلد؟؟؟؟؟

شو رأيكم نعمل حملة.. نبدأ فيها بأنفسنا اسمها "جامعتنا نظيفة"؟؟ يعني كل واحد فينا زبالته الله يكرمكم يحطها في مكانها.. ولو ماشي مع حدا بيرمي على الأرض يحكيله وبس أعتقد أنه ما رح يكون مجهود جبار


وهذا فيديو حلقة خواطر المذكورة

https://www.facebook.com/video/video.php?v=255285505724&ref=share

وشكرًا على القراءة

أحمد الشقيري موجود على الفيسبوك للي حابب يضيفه..

https://www.facebook.com/social_graph.php?node_id=1077874007&filter=fanned#/ahmed.alshukairy?ref=sgm

وأنا إن شاء الله بس ينزل لينك حلقة اليوم رح أحطه في الموضوع.. لأنه مع الرؤية رح تستشعروا الفرق الكبير

2na shoft el 7al8a elyom fe3lan eno eshe b2har
w fe kol 7al8a mn 5awater bsh3or bel fare2 2desh kbeer
2ny way el7amleh kteer she 7elo w ma bdo hal johd el 3azeem
so let`s work togather 7ata tkoon "جامعتنا نظيفة"
thanks...

هو برنامج خواطر بيخلينا نشوف أنه في ناس وصلت من ناحية التعامل درجة ما كنا نتوقع أنه في حدا حاليًا ممكن يوصلها..

لازم نحاول أنه ما تكون حلقات برنامج خواطر مجرد شغلة بنتسلى وبنشوفها.. بدنا كل حلقة نشوفها نعمل باللي فيها.. وإن شاء الله رح تصير جامعتنا نظيفة.. وشوارعنا نظيفة.. ومدينتنا نظيفة.. بس كل واحد ينصح اللي حواليه بأسلوب لطيف.. ورح نتحسن إن شاء الله


وشكرًا على الرد

you are right
e7na lazem n7awel new9al la she mn el ta6wor elle 3ndhom
w ma fe she beje mara wa7deh
we have to do our best step by step to reach to that....
w allah al mosta3an

والله انه المشكله الوقت اللي بيجي فيه بكون وقت الفطور يعني الواحد مو فاضي يحضره

فمو دائما بحضرة ....

ابوكر انا معك بالحملة وبدي من بعد اذنك احطه او تحطه انت على جروب الفيس
ونحاول نخلي الموضوع محل تنفيذ ........وانا داعمك للأبد

في الرياض بيجي بوقت الفطور كمان.. بس دايمًا بحضره... بحط هالتمر والشوربة وعالتلفزيون.. ومش لحالي ترى كل العيلة هيك.. هو ما شاء الله أسلوبه في الإلقاء أخاذ

وإذنك أكيد معك.. على العموم أنا حطيته.. إذا إنت حابب تغير شي تضيف شي ما عندي أي مشكلة.. وزي ما حكينا الحملة بس كل واحد وصحابه.. واللي عنده الجرأة يحكي للناس التانيين أكيد ما بيقصر

والله يا محمد أنا ما بدي أثبطك..بس بصراحة أنا بنظر للموضوع من زاوية تانية..يا محمد القضية بتتعلق بثقافة المجتمع ككل..إلي بدنا نعالجه أو المفروض إنا نعالجه هوهاي الثقافة..مش أعراضها...............كما قال الله تعالى:.. إن الله لايغير مابقوم حتى يغيروا مابأنفسهم)).

أنا بصراحة أبوي سافر عاليابان من شهر تقريبا..قلي إنه جد انصدم فيهم..تصور إنه حكالي إنه الشعب الياباني بهاي الفترة بناقش إنه أنو أحسن : يداموا ساعة زيادة كل يوم..وإلا يزيدوا دوامهم السنوي عشر أيام زيادة عشان يتعاملوا مع الأزمة المالية العالمية!!!!!0

إحنا للأسف ما عنا أدنى مؤشرات لهاي الثقافة..ولو بدنا نصلح وضعنا لازم نغيير ثقافتنا ونحترم العلم والعمل والدين ورأي الآخر شو ما كان

بس أكيد ما رح أكون سلبي مستعد أساعدكم بكل إلي بقدر عليه..هاد أقل إشي بنقدر نخدم فيه أوطانا وأمتنا ودينا

لا ما فيها تثبيط بالمرة.. أنا عارف إحنا شو ممكن يطلع بإيدنا
اللي أنا بحكي عنه أنه كل واحد ينتبه على حاله وعلى صحابه وينصحهم..... وهيك على الأقل كلية طب الأسنان رح تكون كلية نظيفة هي واللي حواليها!!

:-)

Eza bdkm el barnamej byeje kaman 3la 8anat al- rasala el sa3a 3:30 t2reban y3ne mo be w2et el ef6ar

ابو كر هو مو باول الفطور .. هو بيجي يعني بعد ما الواحد بفطر بشوي ... يعني في خضم المعمعه


ويا شادي انا ضد حكيك
يعني الحكي اللي بحكيه ابوكر هو تغيير لنفس الواحد يعني اذا كل واحد غير حاله معناته المجتمع هيك تغير وتغيرة ثقافته

وبالنسبة للزيادة ساعات الدوام ..... عنا لو زادوا الدوام 5 دقائق بتلاقي البلد كلها قلبت اضرابات واعمال شغب ... فبدك اياهم يزيدوها ساعه

اللي أنا بحكي عنه أنه لما كل واحد منا يغير حاله ويقنع صحابه اللي بيرموا في أي مكان وبهالحالة وحسب الـ Snowball effect
مجموعة كبيرة بتتغير فبالتالي بيصير تغيير

أما تغيير مجتمع كامل.. فأنا مع رأي أحمد الشقيري أنه هذا بيحتاج تعديل في المدارس وفي مبادئ المدارس

يا شادي التغيير يبدأ من على مستوى الأفراد وأتوقع إنو أنا حكيت هاي النقطة من قبل، فإذا كل شخص بدا بالتغيير من نفسة ومن الناس اللي حواليه فأكيد أكيد إنو هاد التغيير رح يأثر على المجتمع ككل إلى الأفضل. وشكرا يا محمد على هاي المبادرة.

نعم.. وإن شاء الله لحتى يصير تعليم هذه المبادئ أولوية في النظام المدرسي.. يبقى على مستوى الأفراد أحسن من بلاش

أغلب الي بيحطه أحمد الشقيري حتى على مستوى الزبالة الله يكرمكم بيكون التربية فيها من المدرسة

Ibrahim A.R Al-Omari wrote:
ويا شادي انا ضد حكيك
يعني الحكي اللي بحكيه ابوكر هو تغيير لنفس الواحد يعني اذا كل واحد غير حاله معناته المجتمع هيك تغير وتغيرة ثقافته

mohammed okdeh wrote:
يا شادي التغيير يبدأ من على مستوى الأفراد

أنا يا شباب ما أنكرت إنه التغيير ببلش من الفرد..لكن قصدي إنه تنظيف الجامعة من غير تعديل الثقافة هو معالجة للأعراض التخلف مش أسبابها..يعني لو بدنا حل جذري لهاي المشاكل بدنا نغير ثقافة المجتمع..وبدءا بالفرد يا سيدي..وزي ما حكى محمد أبو كر إنه الثقافة بتتغير بالتعليم بالدرجة الأولى

وأنا حكيت شغلة إنه الشعب الياباني بدو يزيد دوامه عشان تفهموا إنه ثقافتهم راقية..وهادا إلي إحنا مفروض نسعى إله عشان نعالج أسباب المشكلة

أنا معك يا شادي أنه إحنا عم بنعالج الأعراض ما بنعالج الأسباب

ولكن بصفتنا دكاترة إن شاء اللهِ قولوا آمين.. هذا مبدأ طبي متبع في كل الأمراض..
السرطان والإيدز وكل الأمراض القاتلة والفتاكة.. أدويتها بتكون مجرد تخفيف للأعراض وإزالة للألم.. مش هيك؟ لحتى يكتشفوا دواء فعال يقضي على السبب

وبالنسبة لطريقتنا فهي ماشية على نفس المبدأ.. يعني احنا بنعالج الأعراض.. وإذا واحد فينا ربنا أكرمه وطلع مسؤول بمجال التعليم أو قدر يوصل الحكي لمسؤول.. بيعالج الأسباب اللي هي بالدرجة الأولى بالمدرسة

يا عيني عليك..هيك فهمتني

وانت فهمتني ;)
يعني وصلنا لنتيجة الحمد لله