الذكرى السنوية الأولى للسنفرة :D

بسم الله الرحمن الرحيم

اليوم هو 14-9-2009... قبل سنة كانت أول أيامنا في الجامعة 14-9-2008
فكل عام وأنتم بخير جميعًا


ويا ريت كل واحد يكتبلنا شو ذكرياته عن أول يوم دوام :-)

انا انصدمت انه شكلي اكبر بكثير من عمري

أنا بالنسبة إلي.. بس دخلت الجامعة من بوابة العلوم أو الرئيسية مش متأكد لأني كنت خايف أتوه لو دخلت من بوابة الزراعة وأتأخر عالمحاضرة اللي كانت في كلية الزراعة :P

طبعًا أنا كنت عارف أنه الطلاب اللي أكبر منا بيحبو يخلونا نتوه كسنافر.. فما سألت طلاب سألت عامل النظافة وهو دلني على مكان كلية الزراعة :-)

وصلت بكير شي نص ساعة بأول يوم.. وكانت محاضرتي الأولى بيو مع الدكتور باسم جابر الله يذكره بالخير.. بعد المحاضرة قلت له هو يدلني على كلية التمريض لأنه كانت عندي محاضرة وطنية.. وهناك الدكتور ما إجا.. فطلعت بكير بدي اروح على مدرج سمير الرفاعي أحضر علوم عسكرية.. طبعًا ما تهت إلا شوي ووصلت كلية الأسنان يومها هههههه

بتذكر الدكتور باسم حكالنا
"هذه الورقة اسمها Syllabus"
بعدين قال: "من حقكم تاخذوها في كل مادة"

فأنا السنفور البطل رحت طلبتها في العلوم العسكرية والثقافة الإسلامية هههههههه

في محاضرة العلوم العسكرية وهو عم بيحكي عن الرتب كنت عم بسجل على الدفتر العقيد ما بعرف كم نجمة.. العميد.. الرائد..... بعدين لقيتها مش موفية معي فبس أول خمس دقايق وسكرت الدفتر ;)

دكتور الوطنية من بداية الدوام وحتى العيد ما حضر إلا محاضرة واحدة وأخذ فيها حضور وغياب!!!

وبالمناسبة بأول يوم ما تعرفت على أي حدا طب أسنان.. أول واحد تعرفت عليه كان عبدالكريم في تاني يوم بلاب الكيمياء :)

بيكفي هيك حكي.. لأنه الحكي عن السنفرة ما بيخلص

Safa`a Makhool wrote:

أنا حسيت نفس الشعور اللي حسيته لما دخلت صف أول يعني كنت كتير مستاءة وما بدي أرجع عالجامعة أبداً بالبداية ما حبيت جوها والناس اللي فيها وقصص المواصلات كانت الكارثة العظمى
بس هلأ خلص تعودنا والأيام مشت بسرعة كتير وخلصنا سنة الحمدلله عقبال ما نخلص من الخمسة يا رب
وكل عام والجميع بخير

مش لدرجة صف أول يعني :S

والله ذكرتيني بالمواصلات.. طبعًا كانت رمضان وصيف فيعني تكاسي ما في.. وحضرتي كنت أطلع من نفق الجامعة وأقعد في مكاني وأستنى تاكسي يوقف عندي.. وياما أوقف واحد ويجي اللي جنبي وياخذه هههه

كنت بس أروح على البيت أحكيلهم أني بحب الجامعة بس بكرها وقت الترويحة وكنت مش متخيل أقعد خمس سنين بهالمرمطة هاي.. بعدين اقترحوا علي اقتراح ذكي أني أمشي لقدام شوية.. وآخذ تكسي من هناك ونجحت العملية


إن شاء الله بتمر السنوات الأربعة الباقية بخير على الجميع
وكل عام والجميع بخير

Ibrahim A.R Al-Omari wrote:انا انصدمت انه شكلي اكبر بكثير من عمري

انت أصلا دخيل يا عمري :)
إلك ذكرى لحالك

Mohammad Abukar wrote:


بعدين اقترحوا علي اقتراح ذكي أني أمشي لقدام شوية.. وآخذ تكسي من هناك ونجحت العملية

فعلاً أنه اقتراح ذكي كتير ...... ههههههههههههه
يا ريت القصة واقفة على تكسي كانت سهلة بس المشكلة إني ساكنة بعيد عن الجامعة فجد اتعقدت من المواصلات أولها بس بعدين خلص أخدنا عالوضع وصرنا بنعرف شوفير كل باص ....

والله قصص الشوفيرية لحالها بدها موضوع :)

كل ما تركب مع شوفير.. شو بتدرس يا عمو؟ :S
-طب أسنان

ما شاء الله قديش جبت بالتوجيهي؟

ولحق أسئلة :-)


هذا غير اللي بيورجيك سنه وهو عم بيسوق.. اطلع هون عمي شوف عندي هاظا السن ما بعرف شو ماله ههههههه.. يا عمي أنا سنة أولى لسه ما بعرف.. اه طيب :)

وغير شغل العرط اللي من الآخر.. أنا وأنا وأنا.. في شوفير قال لي أنا بعرف بطب الأسنان أكثر منك

يا أهلًا وسهلًا :D

alaa zaghoul wrote:hehehehehheheh jad t7shesh bla jad fe shofeer taxi frjak seno :P loool
3la fekrah ana mn awal el jam3a 3m bktob b " mthakerat sanfoor"
bas lesa bdha tzbeet kteer w katbeh 3n kol el mwa2f el mo7rjeh w el mwa2f ely bd7ek ely kant tseer bl mo7adrat :D
bas ana awal yom ma tohet l2no kont ray7a w mt3rf 3la mbany el jam3a ana w 97bety mn 2bel bas brdo el wa7ad bnsa shway fa bas t3'lbet lama kont bdy aroo7 3la modraj sameer el refa3y :D

اه جد :S
بس أنا قلتله أني ما بعرف.. ومش متذكر كيف كان سنه ومش متذكر إذا شفته من الأساس.. بس اللي متذكره أنه حكالي أفرجيك سني؟.. بس شو رديت عليه ما بعرف

يوم أخذ الهويات الجامعية وحفلة السنافر لرئيس الجامعة ونائبه.. أنا رحت مع دفعة الطب مش الأسنان.. كنت مع أخوي وصاحب أخوي.. وهناك في شب محترم عرفنا على سكوير العلوم وشارع النور مش أكتر بس طبعًا مع كتر الجامعة.. ومع المطاردة في هداك اليوم ما تذكرت شي :)

بس التكاسي على علمي ما بيفتحوا دواوين مع البنات.. ولما تكون عيلة يعني شباب وبنات برضو ما بيكتر حكي.. فبالتالي بيفوتكم كتييييييير ههههه

Mohammad Abukar wrote:
بس التكاسي على علمي ما بيفتحوا دواوين مع البنات.. ولما تكون عيلة يعني شباب وبنات برضو ما بيكتر حكي.. فبالتالي بيفوتكم كتييييييير ههههه

mazboo6 shayef ya 5sara y3ne ma b6la3lna nsma3 el29a9 el momte3a mn shofaryet el takase!!!!

Safa`a Makhool wrote:
mazboo6 shayef ya 5sara y3ne ma b6la3lna nsma3 el29a9 el momte3a mn shofaryet el takase!!!!

بس إلا ما تكوني سمعتيلك شي قصة

alaa zaghoul wrote:la2 wla leash b3do b7ko 29et 7yathom bzh2ony bdlhom b7ko 3n 7alhom :S bzh2o :S
bas ana sert a7od el headphones fa lama y7ko b3ml 7aly mish sam3a fa b6ar yskot !!!!

wow! clever idea

2keed sme3et bs 2na 29lan ma b6la3 be takase kteer w 3`aleban ma b6la3 la7ale
bs batzakar mara wa7ed 23ad y7ke 3n mrto w beto jala6ne ....
w 27san she eno elwa7ed ya3mel 7alo mo same3 mtl ma 2alat ala2

انا بصراحة كنت زهقان كتببر بأول يوم لأني متعود من أيام التوجيهي إنو أكون مع أصحابي دايما ونحكي ونمزح بس للأسف ولا واحد من صحابي طلع معي بالجامعة كلهم طلعو بالتكنو. فلذلك كنت بتطلع على الناس اللي واقفين مع صحابهم وبحكي أوووووووووووووه إيمتى بدو يصير عندي صحاب زي هيك. وبالمناسبة أنا الحمدلله ما هت غبر عن سمير الرفاعي وصلت كلية الأعمال وأنا عم بدور عليه. يالله صارت ذكرى

Safa`a Makhool wrote:2keed sme3et bs 2na 29lan ma b6la3 be takase kteer w 3`aleban ma b6la3 la7ale
bs batzakar mara wa7ed 23ad y7ke 3n mrto w beto jala6ne ....
w 27san she eno elwa7ed ya3mel 7alo mo same3 mtl ma 2alat ala2

بتحصل كتير ;)

mohammed okdeh wrote:انا بصراحة كنت زهقان كتببر بأول يوم لأني متعود من أيام التوجيهي إنو أكون مع أصحابي دايما ونحكي ونمزح بس للأسف ولا واحد من صحابي طلع معي بالجامعة كلهم طلعو بالتكنو. فلذلك كنت بتطلع على الناس اللي واقفين مع صحابهم وبحكي أوووووووووووووه إيمتى بدو يصير عندي صحاب زي هيك. وبالمناسبة أنا الحمدلله ما هت غبر عن سمير الرفاعي وصلت كلية الأعمال وأنا عم بدور عليه. يالله صارت ذكرى

أنا بالنسبة إلي اللي بعرفهم يعني اللي كانوا طلاب مدرستي.. منهم طب بشري وهندسات.. ولا واحد أسنان الحمد لله.. وأغلبهم ما كنت بعرف أنهم في الجامعة أصلًا.. بس يللا المهم تعرفنا على الشباب الطيبة

بالنسبة إلي ما كنت أشوف اللي كانوا معي بالمدرسة أصلًا.. ذكرتيني بحالي ههههه
كنت أنا عكسك.. كنت بعد محاضرة العلوم العسكرية أقعد ساعة جنب كلية الشريعة لحتى تبلش محاضرة الثقافة الإسلامية.. وحتى بعد ما صاحبت الشبين الوحيدين اللي معي بالمجموعة.. ما كان في اتفاق بالمادة الاختيارية

2na wala 7ad mn madraste 6l3 m3e bl jam3a
bs el7amdllah bsor3a l2et nas yfhamony

والله زكرياتي بتشبه زكرياتكم يعني كنت كل يوم أدخل من باب العلوم مشان ما أخربط مع إنو أول محاضرة عندي بالزراعة وضليت على هالمنوال لمدة أسبوع أو اسبوعين مش متزكرة
كنت كل ما أسأل حد عن مكان يحكولي سنفورة فلما اجا وقت محاضرة العسكرية قلت بدي أسأل وين مدرج سمير الرفاعي وكانت محاضرتي بالتمريض و أنا ماشية رحت بالغلط على كلية الصيدلة -مفكرة مدرج سمير الرفاعي من هناك- لقيت طالب ماسك الاب كوت فقلت هاد شكله محترم وما رح يضحك علي إزا سألته و أكيد بعرف فسألته حكالي من وين وبعدين قلي والله غريبة صرنا الفصل التاني وما بتعرفي وين سمير الرفاعي!!! قلتله اليوم أول يوم بالفصل الأول مش التاني بعدين قلي اه اه صح والله( شكله سنة رابعة أو خامسة وكاين ما خد صيفي فضربت معه الأمور فكرنا صرنا بالفصل التاني!!!!!)
أما عن صاحباتي فما كان معظم بنات صفي بالاردنية بس تخصص صيدلة وهندسة ما كان في حد طب أسنان إلا حنين وكنا كل يوم نروح على milk بس بعدين اتسممت فبطلنا نروح!!!!!!!
أما بالنسبة للبريك فما كنت أقعد لحاي بالمرة من أول يومين اتعرفت على بنات كتير طب أسنان وكانت معي نوران وكرمل بنفس الجدول حتى نفس المتطلبات كمان
وأنهف موقف صار معي هو يوم التسجيل كان في طالبة منطالبت أصدقاء الطلبة المستجدين كانت بتساعدني في اختيار المتطلب وبس خلصنا سألتها سؤال" معلش بدي أسألك سؤال عفواً من وين أجيب الكتب؟" فصارت تضحك علي وتضحك........ قلتلها ليش بتضحكي؟ قالتلي بس تداومي بحكولك الدكاترة من وين( يعني أنا شو بعرفني؟ هيك متعودة بالمدرسة يوم التسجيل بجيب الكتب!!!!!!!!!)
وأحلى محاضرة كانت محاضرة د. هيثم سعادة.............كتيييييير حلوة
صراحة زكرتونا بأشياء حلوة صارت معنا!!!!!!!!!!!!!!

wafaa isaid wrote:لقيت طالب ماسك الاب كوت فقلت هاد شكله محترم وما رح يضحك علي إزا سألته !!!!!

أنا حذروني كتير من الشباب وبالذات الشلل.. أنهم رح يستهبلوا السنفور لحتى يضحكوا.. فكنت إذا ما لقيت عامل نظافة أو دكتور أسأل بنت ما أسأل شب !! خاصة أني قلت أجرب وأسأل شب بس ضحك علي.. كنت عند الأسنان وبدور على سمير الرفاعي.. قال خذ يمين وشمال.. وبعدين ثاني شمال ووووو.. يعني كانت واضحة

وبالنسبة للميلك بار.. الله المستعان :S