70 %من طلبة الطب مدخنون

اثبتت دراسة حديثة اجريت في احدى المستشفيات الحكوميه حول عادات التدخين بين الطلبة المتدربين من مختلف التخصصات الطبية في المستشفى
ان 70 % من الطلبة المتدربين مدخنون وان الوازع الديني كان وراء احجام 23 % منهم عن ممارسة عادة التدخين فيما حوالي %16 لايدخنون حماية للصحة حسبما اكده احدى الاطباء القائمين على الدراسة . وكشفت الدراسة أن %33 من الطلبة حديثو التدخين ، و29% منهم يدخنون أكثر من 20 سيجارة يوميا و95% يدخنون سجائر ذات فلتر .



ما بعرف بس يعني الواحد بعد ما درس ال
lung diseases
واسبابها المفروض انو يفكر مليون مره قبل ما يدخن

مش قصدي اشي لا حدى يفهمني غلط بس صراحه اول ما قرأت هاي الدراسات كتييير ستغربت ، يعني طلاب طب (بجميع تخصصاتهم) !!!هاد اكبر دليل انو الطالب
لما بيدرس ما بيدرس لحتى يستفيد انما بيدرس بس مشان العلامه

خلينا نئول انو اللي بدخنو من زمان ما كانو يتلقو الوعي الكافي
بس اللي صارو يدخنو جديد شو وضعهم
!!!

على كل هاي احدى الدراسات اللي لفتت انتباهي
بالتوفيق للجميع

حاسس أنه النسبة مبالغ فيها إلى حد ما..
*إلا لو الدراسة تتضمن الأرجيلة فهذا إشي ثاني (مش من ناحية الأضرار)

على الأقل ضمن النطاق اللي بعرفه (طب بشري وطب أسنان) النسبة أكيد أقل بكثير..
في دفعتنا مثلًا غالبية الشباب غير مدخنين..

بالنسبة لأمراض الرئة.. الغالبية بس تبلش بالدخان ما بتقدر تبطله.. يعني لأسباب نفسية بالدرجة الأولى مثل ما حكى الدكتور مالك الزحلف.. قبل الامتحان وبعد الامتحان وبعد مشكلة عائلية وووو إلخ.. مش شرط أنه عشان بيدرس عشان الشهادة...

بالمناسبة غالبية شباب الدفعة اللي بيدخنوا بدهم يبطلو تدخين.. بس شغلة الامتحانات والضغط هي سبب =)

مهو الواحد بنسى إلي بدرسه بسرعة ..

"آفة العلم النسيان"

محمد
ممم التدخين بجميع اشكاله بضل تدخين فأعتقد انو النسبه بتشمل اللي بأرجلو
و والله من ناحيه المبالغه بالنسب "شخصيا"ما بعتقد انو في مبالغه... من منظوري الشخصي مثلا كتييير بشوف
دكاتره مدخنين خصوصا في مستشفي الجامعه فعدد المدخنين في دفعتنا لا يعتبر مقياس حتى لو كان نسبي

ومن ناحيه انو اللي بكونو بدخنو و بدهم يتركو...انا معك...صح بكون كتير صعب عليهم ...لانو الادمان اصعب شي ممكن الانسان يحاول انو يتغلب عليه

بس اللي انا استغربت منه هو اللي بدخنو جديد ...يعني حتى لو كانت نفسيا ...يتجهو لإشي تاني ...يعني هو ما في غير التدخين اللي بريح الاعصاب!!!

:) على كل الله يهدي الكل


شادي
ههههههه يمكن:P

ههههه تزكرت مره بنت سألت د.ماهر الحديدي -الله يذكره بالخير- عن سبب انو بدخن ...مع انو لسا مخلص شرح عن الرئه و اضرار التدخين على الرئتين
فجاوبها:"يا بابا درست طب 6 سنين و امتياز سنه و اقامه 4 سنين و ما بعرف كم سنه تخصص بعد هيك... كل هاد و ما بدك ياني ادخن "

فهون بتصفي آفة العلم التطبيق مش النسيان :P

بس متل ما قال د.مالك الضغوطات النفسيه الها اثر
الله يعين الكل

ما بحكي أنه الأرجيلة أحسن.. ولا بحكي أنها بتختلف عن الدخان..
مع العلم أنه الدكتور ينال حكى شي بمعناه أنه نفس أرجيلة = باكيت دخان.. مش حكي علمي

أنا الحمد لله ولا بعمري دخنت ولا أرجلت.. وربنا يثبتنا.. بس كان التعليق من منطلق أني بعرف عدد كبير من الشباب ما بيدخنوا لكنهم بيأرجلوا.....



*على أي لسه اليوم في شب من دفعتنا حكالي أنه بدو يبطل بكره إن شاء الله.. وبنشوف =)

إن شاء الله تصير دفعتنا "خالية من التدخين"




وبالنسبة لقصة الدكتور ماهر الحديدي.. هي سبب تاني يخلينا ندخل طب أسنان بدل طب بشري.. ما في داعي ندرس لمدة 9384 سنة =)

ما بحكي أنه الأرجيلة أحسن.. ولا بحكي أنها بتختلف عن الدخان

لا لا لا ما تفهمني غلط مش هيك قصدي
انا ما حكيت انك هيك بتحكي بس كان قصدي عن انك مو مقتنع بالنسبه الا ازا دخلنا الارجيله فيها
فأنا بحكي انو الارجياه تقريبا متل التدخين مشان هيك النسبه عاليه

وهاد رابط بوضح خطوره الارجيله و انها متل التدخين
http://www.sehha.com/generalhealth/smoking6.htm

وبالنسبة لقصة الدكتور ماهر الحديدي.. هي سبب تاني يخلينا ندخل طب أسنان بدل طب بشري.. ما في داعي ندرس لمدة 9384 سنة

لسا هديك اليوم د.عماد(د.البروستو) بيحكي انو طب الاسنان اصعب من الطب البشري ههههه فشكلو ما في أمل من كل شي على الجهتين سواء كانت دراسه صعبه او طويله
الله بعين

إن شاء الله دايما في أمل....